తెలంగాణ ఉద్యమంలో చురుకుగా ఉంటూ, పలుమార్లు పాదయాత్రలు, సైకిల్ యాత్రలు చేపట్టిన అదిలాబాదుకు చెందిన విలాస్ జాదవ్ అనే తెలంగాణ ఉద్యమకారుడు అనుమానాస్పదంగా మృతిచెందాడు. తెలంగాణలో పాదయాత్ర చేస్తున్న చంద్రబాబును రాష్ట్ర ఏర్పాటుపై నిలదీసేందుకు విలాస్ వెళ్తుండగా ఈ ఘటన జరగడం అనుమానాలకు తావిస్తున్నది. చంద్రబాబు మీటింగుకు వెళ్తున్న ఒక స్కూల్ బస్సు విలాస్ ను ఢీ కొట్టడం ఈ అనుమానాలను బలపరుస్తున్నది. ఈ ఘటన జరగగానే స్థానిక టీడీపీ నాయకులు, పోలీసులు కలిసి స్కూల్ బస్సుకు ఉన్న తెలుగుదేశం పార్టీ జెండాలను తొలగించారు.
విలాస్ మరణంపై పూర్తి స్థాయి దర్యాప్తు చేయించాలని స్థానిక తెలంగాణ ఉద్యమకారులు కోరుతున్నారు.
విలాస్ స్వగ్రామం లింగాపూర్ లో నిన్న జరిగిన అంతిమ యాత్రలో వేలాదిమంది తెలంగాణవాదులు పాల్గొని మరణించిన ఉద్యమకారుడికి ఘననివాళి అర్పించారు.
ఫైల్ ఫొటో: జనవరి 2011లో తెలంగాణ కొరకు సైకిల్ యాత్ర చేపట్టిన విలాస్.
ఫొటో తీసినవారు ఎన్నారై తెలంగాణ ఉద్యమకారుడు పవన్ కుమార్ కొండం