తెలంగాణ బాక్సర్ కు అభినందనలు తెలిపిన మంత్రి కేటీఆర్

బాక్సింగ్ టోర్నీలో స్వర్ణం సాధించిన తెలంగాణ యువ బాక్సర్ కు అభినందనలు తెలియజేశారు రాష్ట్ర ఐటీ, పరిశ్రమల శాఖ మంత్రి కేటీఆర్. తెలంగాణ బాక్సర్ నిఖత్ జరీన్ బల్గెరియాలో స్ట్రాంజా స్మారక బాక్సింగ్ టోర్నీలో పసిడి పథకం సాధించింది. ఆదివారం జరిగిన మహిళల 52 కేజీల ఫైనల్లో నిఖత్ 4-1 తేడాతో ఉక్రెయిన్ బాక్సర్ టెటియానాను చిత్తు చేసి బంగారు పథకం అందుకుంది. సెమీ ఫైనల్, ఫైనల్ లో నిఖత్… హుక్, క్రాస్, జాబ్ పంచ్ లతో విరుచుకు పడి విజయాన్ని తన ఖాతాలో వేసుకుంది. కాగా 2019 లో కూడా ఇదే స్ట్రాంజా స్మారక టోర్నీలో పసిడి పథకం అందుకుంది. ఈ నేపథ్యంలో నిఖత్ జరీనాకు సోషల్ మీడియా వేదికగా శుభాకాంక్షలు తెలిపారు మంత్రి కేటీఆర్.