ఐటీ నగరాల జాబితాలోకి నల్గొండ : మంత్రి కేటీఆర్

ఐటీ సంస్థలను ఒక్క హైదరాబాద్ లోనే కాకుండా జిల్లా కేంద్రాల్లో కూడా ఏర్పాటు చేయటం సంతోషంగా ఉందని ఐటీ, పురపాలక శాఖ మంత్రి కేటీఆర్ అన్నారు. తెలంగాణ రాష్ట్రం ఏర్పడిన తర్వాత ఐటీ సంస్థలను జిల్లా కేంద్రాలకు విస్తరిస్తూ అభివృద్ధి డీ సెంట్రలైజేషన్ చేస్తున్నామన్నారు. ఇప్పటికే వ‌రంగ‌ల్, ఖ‌మ్మం, క‌రీంన‌గ‌ర్‌, నిజామాబాద్‌, మ‌హ‌బూబ్‌న‌గ‌ర్ జిల్లాల్లో ఐటీ హబ్ లు ఏర్పాటవగా… నల్గొండ లోనూ ఏర్పాటు చేయనున్న ఐటీ హ‌బ్‌ మోడల్ ను కేటీఆర్ ఇవ్వాళ ప్రారంభించనున్నారు. ఈ నేపథ్యంలో నల్గొండ ఐటీ హబ్ మోడల్ ఫోటోలను ట్విట్టర్ లో చేస్తూ ద్వితీయ శ్రేణి నగరాల్లోనూ ఐటీ ప్రోత్సహిస్తామని కేటీఆర్ అన్నారు. ఏడాదిన్నర లోగా న‌ల్ల‌గొండ ఐటీ హ‌బ్‌ను అందుబాటులోకి తెస్తామ‌ని కేటీఆర్ చెప్పారు.