చింతమడకలో డబుల్ బెడ్రూం ఇళ్లకు గృహప్రవేశాలు

ముఖ్యమంత్రి కేసీఆర్ స్వగ్రామమైన చింతమడకలో 164 డబుల్ బెడ్రూం లబ్ధిదారుల ఇళ్లకు రాష్ట్ర ఆర్థిక, వైద్యశాఖ మంత్రి హరీష్ రావు గురువారం సామూహిక గృహ ప్రవేశం చేశారు. దీనితోపాటు చింతమడక గ్రామంలోని దమ్మ చెరువు నుంచి నర్లేంగడ్డ వరకు నిర్మించిన బీటీ రోడ్డు, చింతమడక నుంచి రాఘవాపూర్ వయా సింగ చెరువు వరకూ బీటీ రోడ్డు, చింతమడక నుంచి చెల్లాపూర్- రాజక్కపేట వరకూ బీటీ రోడ్డు పనులకు మంత్రి హ‌రీశ్‌రావు శంకుస్థాపన చేశారు. అనంతరం గ్రామంలోని అంబేద్కర్ విగ్రహానికి పూలమాల వేసి నివాళులు అర్పించారు. గ్రామ ప్రజాప్రతినిధులు, గ్రామస్తులు అడుగడుగునా పూల వర్షం కురిపిస్తూ.. బాణాసంచా కాల్చి మంత్రి హరీశ్ రావుకు ఘన స్వాగతం పలికారు. లబ్ధిదారులకు డబుల్ బెడ్రూం ఇళ్ళు లబ్దిదారులకు అప్పజెప్పి వారితో సామూహిక గృహ ప్రవేశం చేయించారు.