స్మార్ట్ సిటీలుగా హైదరాబాద్, వరంగల్!

కేంద్రం ఈరోజు విడుదల చేసిన స్మార్ట్ సిటీల జాబితాలో తెలంగాణ నుండి హైదరాబాద్, వరంగల్ చోటు దక్కించుకున్నాయి. స్మార్ట్ సిటీలుగా అభివృద్ధి చేయడానికి మొత్తం 98 నగరాలను ఎంపిక చేశారు. రాబోయే ఆరేళ్ళలో స్మార్ట్ సిటీల అభివృద్ధికి రూ. 3 లక్షల కోట్లను ఖర్చు చేయనున్నారు. ప్రతి ఏడాది ఒక్కో స్మార్ట్ సిటీకి రూ. 100 కోట్ల రూపాయలను కేటాయించనున్నారు. ఇదిలాఉండగా ఏపీ నుండి విశాఖ, తిరుపతి, కాకినాడ నగరాలు స్మార్ట్ సిటీలుగా ఎంపికయ్యాయి.