తెలంగాణ పేరు ఇపుడు ప్రపంచవ్యాప్తంగా మారు మోగుతోంది. రాష్ట్ర ఐటీ, పరిశ్రమల మంత్రి కేటీఆర్ ఎంతో దూరదృష్టితో ఏర్పాటు చేసిన టీహబ్, స్టార్టప్ ఎకోసిస్టంను అభివృద్ధి చేయడంలో ప్రపంచ దేశాలతో పోటీపడుతూ… ఇపుడు మరో ఘనత సాధించింది. పెట్టుబడులను ఆకర్షించడంలో జోరుగా ముందుకు సాగుతున్న టీహబ్.. ప్రపంచంలోని ‘మోస్ట్ యాక్టివ్ ఇన్వెస్టర్స్-యాక్సిలరేటర్స్, ఇంక్యుబేటర్స్’లో ఐదో స్థానంలో నిలిచినట్టు 2022 త్రైమాసిక నివేదికలో ట్రాక్షన్ జియో స్పష్టం చేసింది. ఇప్పటివరకు వివిధ కంపెనీల నుంచి 935 స్టార్టప్లకు పెట్టుబడులను రాబట్టడం ద్వారా టీహబ్ ఈ స్థానాన్ని కైవసం చేసుకొన్నట్టు వెల్లడించింది. అదేవిధంగా హైదరాబాద్ కేంద్రంగా ప్రారంభమైన డార్విన్బాక్స్ స్టార్టప్ యూనికార్న్ కంపెనీల జాబితాలో చేరినట్టు ట్రాక్షన్ పేర్కొన్నది.
