ఈనెల 28న ప్రారంభం కానున్న టీహబ్-2

  • June 22, 2022 11:55 am

ప్రారంభించిన ఆరేళ్లలోనే దాదాపు రెండువేల స్టార్టప్ కంపెనీలను ప్రోత్సహించిన టీహబ్… ఇపుడు తన రెండవ కార్యాలయం ప్రారంభానికి సిద్ధమవుతోంది. దేశంలోనే ప్రతిష్ఠాత్మకమైన ఈ స్టార్టప్‌ ఇంక్యుబేటర్‌ టీ హబ్‌-2 ఈ నెల 28న రాష్ట్ర ఐటీ శాఖ మంత్రి కేటీఆర్ చేతుల మీదుగా ప్రారంభం కానుంది. మాదాపూర్‌ రాయదుర్గం నాలెడ్జ్‌సిటీలో సుమారు 5.82 లక్షల చదరపు అడుగుల విస్తీర్ణంలో ప్రపంచంలోనే అతిపెద్ద ఆవిష్కరణల కేంద్రంగా ఖ్యాతి పొందనున్నది. తెలంగాణ ప్రభుత్వం టీ హబ్‌-2ను అత్యున్నత ప్రమాణాలతో, అత్యంత విశాలమైన ప్రాంగణంలో, అత్యాధునిక మౌలిక వసతులతో నిర్మించింది. ప్రత్యేక అధునాతన వసతులు కల్పించిన టీ హబ్‌-2ను ఈ నెల 28న మంత్రి కేటీఆర్ ప్రారంభించనున్నారు. రాష్ట్ర ఆవిర్భావం తర్వాత 2015లో గచ్చిబౌలి ట్రిపుల్‌ ఐటీ క్యాంపస్‌లో టెక్నాలజీ హబ్‌ (టీ హబ్‌)ను ఏర్పాటు చేశారు. ఆరేండ్లలో వివిధ కార్యక్రమాల ద్వారా 1,800 స్టార్టప్‌లను టీ హబ్‌ ప్రోత్సహించింది. సుమారు 600 కంపెనీలతో కలిసి పనిచేసింది. తాజాగా ప్రారంభిస్తున్న టీ హబ్‌-2లో ఒకేసారి రెండు వేలకుపైగా స్టార్టప్‌లు తమ కార్యకలాపాలను నిర్వహించుకునేందుకు వీలుగా అన్నిరకాల మౌలిక వసతులు కల్పించారు.


Connect with us

Videos

MORE