తెలంగాణలో ప్రభుత్వ పాఠశాలల్లో అడ్మిషన్ల సంఖ్య భారీగా పెరిగిపోతుంది. కొత్తగా స్కూళ్లలో చేరనున్న విద్యార్థులు అధికంగా ప్రభుత్వ పాఠశాలల వైపే మొగ్గు చూపుతున్నారు. మరికొంతమంది తల్లితండ్రులు ప్రైవేట్ పాఠశాలలో చదువుతున్న తమ పిల్లలను ప్రభుత్వ పాఠశాలల్లో చేర్చుతున్నారు. కేవలం నెల రోజుల్లోనే 1,60,755 మంది విద్యార్థులు కొత్తగా సర్కారు స్కూళ్లల్లో చేరగా… వీరిలో అధికంగా ఇంగ్లిష్ మీడియంలోనే చేరడం గమనార్హం.ఈ విద్యాసంవత్సరం నుంచి ప్రతిష్ఠాత్మకంగా అన్ని బడుల్లో ఇంగ్లిష్ మీడియం ప్రవేశపెట్టడం కూడా ఇందుకు దోహదపడుతున్నది. కాగా ప్రభుత్వ బడుల్లో నమోదును పెంచేందుకు చేపట్టిన ప్రొఫెసర్ జయశంకర్ బడిబాట సైతం సత్ఫలితాలనిస్తున్నది. ఈ నెల 30తో బడిబాట కార్యక్రమం ముగియనుండగా… ఆ తర్వాత అడ్మిషన్లు జరుపుతామని అధికారులంటున్నారు. అడ్మిషన్ల తాకిడికి పలు పాఠశాలల్లో నో అడ్మిషన్ బోర్డులు పెట్టాల్సి పరిస్థితి ఏర్పడుతోంది. సిద్దిపేట ఇందిరానగర్ పాఠశాలలో ఇటీవల దరఖాస్తులు సమర్పించేందుకు వచ్చిన వారి సందడి జాతరను తలపించింది. ఇక హైదరాబాద్లోని బోరబండలోని నాట్కో ప్రభుత్వ ఉన్నత పాఠశాలలో తల్లిదండ్రుల తాకిడి తట్టుకోలేక గేట్స్ మూసివేయాల్సిన పరిస్థితి తలెత్తింది. ఇలా రాష్ట్రంలోని 200 బడుల్లో అడ్మిషన్లకు తీవ్రమైన పోటీ ఉంది. ప్రభుత్వ బడుల్లో ఉచితంగా మధ్యాహ్న భోజనం పెడుతుండటం, ఉచిత పాఠ్యపుస్తకాలు, యూనిఫారాలను అందజేస్తుండటం, తాజాగా ఇంగ్లిష్ మీడియాన్ని ప్రవేశపెట్టడంతో విద్యార్థులంతా సర్కారు స్కూళ్లనే ఎంచుకుంటున్నారు. మరోవైపు కస్తూర్బాగాంధీ బాలికా విద్యాలయాలోనూ గతంలో ఎన్నడు లేనంతగా అడ్మిషన్ల తాకిడి మొదలయ్యింది. 6వ తరగతి అడ్మిషన్ల కోసం ఎమ్మెల్యేలు ఇతర ప్రజాప్రతినిధులు సిఫారసు లేఖలు ఇస్తున్నారు. ఎస్సెస్సీ వరకు 200 మంది, ఇంటర్ వరకు 360 మంది సామర్థ్యంతో కేజీబీవీలను నిర్వహిస్తుండగా… వెల్లువెత్తుతున్న డిమాండ్తో పలు కేజీబీవీల్లో సీట్ల సంఖ్యను పెంచారు. రెసిడెన్షియల్ పాఠశాలలు కావడంతో విద్యార్థులకు వసతి సమస్య తలెత్తనుండటంతో అడ్మిషన్లు తీసుకోలేమని అధికారులు అంటున్నారు. కేజీబీవీల్లో సైతం ఉచిత విద్యనందిస్తుండటం, వీటిల్లోని విద్యార్థులంతా ఆటలు, క్రీడలు, చదువుల్లో రాణిస్తుండటంతో వీటిల్లో చేరేందుకు అమ్మాయిలు ఇష్టపడుతున్నారు.
- Telangana faces injustice in union railway budget too
- Gift A Smile: KTR distributes laptops to 100 students at State Home on his birthday
- Revanth becomes a laughing stock at national level over ‘family politics’ remarks
- No funds for Telangana’s Regional Ring Road in union budget
- Loans waived for farmers who never took them: Kamareddy farmers suspect fraud
- పారిస్ ఒలింపిక్స్లో పాల్గొంటున్న భారత క్రీడాకారులకు ఆల్ ది బెస్ట్ చెప్పిన కేటీఆర్
- శ్రీధర్ బాబు ముందరి కాళ్లకు బంధం వేస్తున్నదెవరు? (పార్ట్-1)
- నీళ్లు వృథా పోతుంటే ఎత్తిపోయకుండా రైతుల నోట్లో మట్టి కొడతారా: కేటీఆర్
- ఆగస్టు 2 గడువు.. తర్వాత 50 వేల మంది రైతులతో కన్నెపల్లి పంప్ను స్టార్ట్ చేస్తాం: కేటీఆర్
- ఎండిపోతున్న ఎల్ఎండీ, మిడ్ మానేరు, ఎల్లంపల్లి, ఎస్సారెస్పీ సహా అన్ని రిజర్వాయర్లు నింపాలి: కేటీఆర్
- ఎన్నికల్లో గ్యారెంటీల గారడీ.. ఇప్పుడు అంకెల గారడీ.. ఇది దశా, దిశా లేని బడ్జెట్: హరీష్ రావు
- ఐఐటీ గౌహతిలో సీటు సాధించిన నిరుపేద విద్యార్థిని దీప్తికి కేటీఆర్ అండ
- ఒక పద్దు లేదు.. పద్ధతి లేదు.. బడ్జెట్ అంతా గ్యాస్.. ట్రాష్: కేసీఆర్
- మేడిగడ్డ బరాజ్లో సమస్య ఎందుకు వచ్చింది? మేడిగడ్డ గురించి తప్పక తెలుసుకోవాల్సిన కొన్ని విషయాలు
- గిఫ్ట్ ఏ స్మైల్: ఆత్మహత్య చేసుకున్న 13 మంది నేత కార్మికుల కుటుంబాలకు కేటీఆర్ ఆర్థిక సహాయం