మోడ్రన్ టెక్నాలజీతో కేసీఆర్ ఎన్నికల ప్రచారం

రాబోయే ఎన్నికల్లో టీఆర్ఎస్ అధినేత కేసీఆర్ అన్ని హంగులతో కూడిన హైటెక్ ప్రచారం చేయనున్నారు. ఎన్నికల సమయం తక్కువగా ఉండటంతో ఒకేసారి 20 బహిరంగ సభల్లో కేసీఆర్ ప్రసంగించే అవకాశమున్న అత్యాధునిక హాలోగ్రాఫిక్ త్రీడీ టెక్నాలజీని ఉపయోగించనున్నారు. సమయం కలిసి రావడానికి ఒకేసారి 20 హాలోగ్రాఫిక్ వాహనాలను తయారుచేసి వాటినుండి తెలంగాణ రాష్ట్ర వ్యాప్తంగా కేసీఆర్ ప్రచారం చేస్తారని టీఆర్ఎస్ పార్టీ తెలిపింది. ఎన్నికల సమయం తక్కువగా ఉండటంతో సాంకేతిక పరిజ్ఞానంతో కూడిన ఈ విధానం ప్రచారానికి బాగా ఉపయోగపడుతుందని పార్టీ శ్రేణులు భావిస్తున్నాయి. ఈ రకమైన ప్రచారం రాష్ట్రంలోనే మొదటిదని, ప్రజలను ఆకట్టుకుంటుందని పార్టీ నేతలు అంటున్నారు.