కేసీఆర్ ను కలిసిన వికలాంగుల సంఘం నేతలు

గురువారం వికలాంగుల సంఘం నేతలు టీఆర్ఎస్ అధినేత కేసీఆర్ ను కలిసి తెలంగాణ రాష్ట్రంలో వారి సమస్యల పరిష్కారానికి కృషి చేయాలని కోరారు. తెలంగాణ రాష్ట్ర సాధనలో విజయాన్ని సాధించిన కేసీఆర్ ను వారు అభినందించి తమ సమస్యలతో కూడిన ఒక వినతిపత్రాన్ని ఆయనకు అందించారు. వికలాంగుల సమస్యలపై స్పందిస్తూ, టీఆర్ఎస్  మేనిఫెస్టోలో వికలాంగుల సమస్యలను చేరుస్తామని, త్వరలో ఒక కీలక నిర్ణయం వెల్లడిస్తానని కేసీఆర్ భరోసా ఇచ్చారు. ఇదిలా ఉండగా, ఆర్యవైశ్యులకు కూడా టీఆర్ఎస్ పార్టీ సీట్ల కేటాయింపులో ప్రాధాన్యమిస్తానని కేసీఆర్ హామీ ఇచ్చారని ఆర్యవైశ్య సంఘం రాష్ట్ర అధ్యక్షుడు నాగబాబు తెలిపారు. టీఆర్ఎస్ ఎన్నికల కమిటీ సమావేశం శుక్రవారం ఉదయం జరగనుంది. ఈ సమావేశంలో వచ్చే ఎన్నికల్లో తెలంగాణ రాష్ట్ర ప్రజలకు ఇచ్చే హామీలపై చర్చించి నిర్ణయాలు తీసుకుంటారని తెలిసింది.