ముగిసిన పోలీస్ అభ్యర్థుల దేహదారుఢ్య పరీక్షలు

రాష్ట్రంలో గత నెల రోజుల నుండి జరుగుతున్న ఎస్ఐ, కానిస్టేబుల్ అభ్యర్థుల దేహ దారుఢ్య పరీక్షలు నేటితో ముగిశాయి. రాష్ట్ర వ్యాప్తంగా ప్రిలిమ్స్ లో ఉత్తీర్ణత పొందిన 2,07,106 మంది అభ్యర్థులు ఈ పరీక్షలకు హాజరవగా… 1,11,209 మంది ఉత్తీర్ణత సాధించారు. మొత్తంగా 53.70 శాతం క్వాలిఫై అయ్యారని పోలీస్ రిక్రూట్మెంట్ బోర్డు తెలిపింది. కాగా ఈ పరీక్షల్లో ఉత్తీర్ణత సాధించిన వారికి మార్చి రెండవ వారం నుండి ఏప్రిల్ మూడవ వారం వరకు వివిధ దశల్లో మెయిన్స్ నిర్వహించనున్నారు.