తెలంగాణలో వెలువడ్డ మున్సిపల్ ఫలితాలు

ఈరోజు విడుదలైన మున్సిపల్ ఎన్నికల ఫలితాల్లో కాంగ్రెస్ పార్టీ మొదటి స్థానంలో ఉండగా కారు రెండో స్థానంలో ఉంది. సైకిల్ జోరు చాలావరకు తగ్గి మూడో స్థానానికి పరిమితమైంది. మొత్తం 53 స్థానాలకు గానూ, కాంగ్రెస్- 18, టీఆర్ఎస్- 8, టీడీపీ- 2, బీజేపీ- 2, ఎంఐఎం- 1, బీఎస్పీ- 1, హంగ్- 21 స్థానాలు వచ్చాయి. నల్గొండ జిల్లాలో కాంగ్రెస్ అత్యధికంగా 104 వార్డుల్లో గెలుపొందగా, టీఆర్ఎస్ పార్టీ కరీంనగర్ జిల్లాలో అత్యధికంగా 83 వార్డుల్లో గెలుపొందింది. ఖమ్మం జిల్లాలో కాంగ్రెస్ 25 వార్డుల్లో గెలుపొందగా, టీఆర్ఎస్ పార్టీ 5 వార్డులకే పరిమితమైంది. కరీంనగర్, రామగుండం, నిజామాబాద్ కార్పొరేషన్ లలో కరీంనగర్ కార్పొరేషన్ టీఆర్ఎస్ కైవసం చేసుకోగా, నిజామాబాద్, రామగుండం కార్పొరేషన్లలో హంగ్ ఏర్పడింది.