నల్గొండ బయలుదేరి వెళ్ళిన గులాబీ బాస్..

మరికాసేపట్లో నల్గొండలో జరిగే భారీ బహిరంగ సభకు టీఆర్ఎస్ అధినేత కేసీఆర్  హాజరు కానున్నారు. నల్లగొండ జిల్లా మేకల అభినవ్ స్టేడియంలో జరిగే బహిరంగసభకు ఏర్పాట్లు పూర్తి అయ్యాయి. ఈ సభకు భారీ ఎత్తున తెలంగాణ వాదులు తరలివస్తుండగా అందరికీ ఏమాత్రం ఇబ్బంది లేకుండా చూడటానికి నల్లగొండ ఎంపీ పల్లా రాజేశ్వర్ రెడ్డి, జిల్లా అధ్యక్షుడు బండా నరేందర్ రెడ్డి, ఎమ్మెల్యే అభ్యర్థి దుబ్బాక నర్సింహారెడ్డి, పార్టీ కార్యకర్తలు ఏర్పాట్లను పర్యవేక్షిస్తున్నారు. సభా ప్రాంగణమంతా గులాబీ జెండాల రెపరెపలతో నిండిపోయింది. సుమారు లక్షన్నర మంది హాజరయ్యే ఈ సమావేశం సాయంత్రం జరుగుతుండటంతో భారీ ఎత్తున ఫ్లడ్ లైట్లు, ఎల్ సీడీ స్క్రీన్లు ఏర్పాటు చేశారు.