రాయదుర్గం మెట్రోస్టేషన్‌, రహేజా మైండ్‌స్పేస్‌ ఐటీ కారిడార్‌ను కలుపుతూ కిలో మీటరు పొడవున మైండ్‌ స్పేస్‌ బిజినెస్‌ పార్క్స్‌ ఆర్‌ఈఐటీ రూపకల్పన చేసిన స్కై వాక్‌ను సోమవారం ఐటీ, పురపాలక శాఖ మంత్రి కేటీఆర్ ప్రారంభించారు. ఈ సందర్భంగా మంత్రి కేటీఆర్ మాట్లాడుతూ కిలో మీటరు పొడవు, 3.5 మీటర్ల వెడల్పుతో రోజుకు 30వేల మంది దీనిపై ప్రయాణించగలరని, మైండ్‌ స్పేస్‌ ఐటీ కారిడార్‌ను కలుపుతూ వృత్తాకారంలో ఆకర్షణీయంగా నిర్మించినట్లు తెలిపారు. స్కైవాక్‌కు 6 స్టెయిర్‌ కేస్‌లు, 5 ఎస్కలేటర్లు, 4 లిఫ్టులు అందుబాటులో ఉన్నాయని, దివ్యాంగులు సైతం అత్యంత సులభంగా దీనిపై ప్రయాణించగలరని మైండ్‌ స్పేస్‌ బిజినెస్‌ పార్క్స్‌ ఆర్‌ఈఐటీ సీఈవో వినోద్‌ రోహిరా తెలిపారు. స్కై వాక్‌ల మధ్యలో ఇంటర్‌ సెక్షన్‌లో వింటేజ్‌ కేఫ్‌ అందుబాటులో ఉందన్నారు. ఈ కార్యక్రమంలో ఐటీ, పరిశ్రమల శాఖ ప్రధాన కార్యదర్శి జయేశ్‌ రంజన్‌, తదితరులు పాల్గొన్నారు.
