హైదరాబాద్ నగరాన్ని స్టార్టప్ సంస్థలకు కేరాఫ్ అడ్రస్గా తీర్చిదిద్దామని భారత రాష్ట్ర సమితి వర్కింగ్ ప్రెసిడెంట్ కేటీఆర్ అన్నారు. ఇన్నోవేషన్, ఇన్ఫ్రాస్ట్రక్చర్, ఇన్క్లూజివ్ గ్రోత్ అనే మూడు సుత్రాలతో నగరంలో స్టార్టప్ ఎకో సిస్టమ్ను నిర్మించామన్నారు.
తార్నాకలోని సీసీఎంబీలో జరిగిన ఇస్బాకాన్ (ISBACON-2024) సదస్సుకు ముఖ్య అతిథిగా కేటీఆర్ హాజరయ్యారు. ఈ సందర్భంగా మాట్లాడుతూ.. దేశంలోనే యంగెస్ట్ రాష్ట్రమైన తెలంగాణలో పెట్టుబడులు, ఉపాధి అవకాశాలు కల్పించాలంటే స్టార్టప్ సంస్థలను ప్రోత్సహించటమే సరైన మార్గమని తాను భావించానని అన్నారు.
యంగ్ టాలెంట్కు సరైన ఆర్థిక వనరులను కల్పిస్తే అద్భుతాలు సృష్టిస్తారన్న నమ్మకంతో టీ+హబ్ను ఏర్పాటు చేశామన్నారు. తన మానస పుత్రిక అయిన టీ-హబ్ గ్రోత్ స్టోరీని ఈ సందర్భంగా కేటీఆర్ వివరించారు. టీ హబ్, టీ వర్క్స్, ఇమేజ్ టవర్స్ పేరుతో దేశంలోనే అతి పెద్ద ఇంక్యుబేటర్ సెంటర్ హైదరాబాద్లో తీర్చిదిద్దామన్నారు.
2,000 స్టార్టప్ కంపెనీల కెపాసిటీతో ప్రారంభమైన టీ హబ్ సక్సెస్ కావటంతో ఆ తర్వాత టీ వర్క్స్ , ఇమేజ్ టవర్స్ పేరుతో ఒకే చోట 5 వేల స్టార్టప్ కంపెనీలకు గైడెన్స్ చేసే విధంగా తీర్చిదిద్దామన్నారు. 2014 లో హైదరాబాద్లో 200 స్టార్టప్ కంపెనీలుంటే ప్రసుత్తం 5 వేలకు పైగా స్టార్టప్ కంపెనీలు పనిచేస్తున్నాయన్నారు.
రతన్ టాటా లాంటి గొప్ప వ్యక్తి టీ-హబ్ను ఆధునిక భారత ముఖచిత్రం అంటూ ప్రశంసించటాన్ని ఎంతో గర్వంగా భావించానని కేటీఆర్ అన్నారు. గొప్ప వ్యాపార ఆలోచనలున్న యువత, మహిళలు, గ్రామీణ యువతలోని వ్యాపార ఆలోచనలకు కార్యరూపం దాల్చే విధంగా టీ హబ్, టీ వర్క్స్, ఇమేజ్ టవర్స్, టాస్క్, వీ హబ్ వంటి వాటిని ఏర్పాటు చేశామన్నారు.
భారత్ స్వదేశీ టెక్నాలజీతో ప్రయోగించిన మొదటి శాటిలైట్ ప్రయోగం లో హైదరాబాద్లోని స్టార్టప్ కంపెనీయే కీలక పాత్ర పోషించిందని కేటీఆర్ ఈ సందర్భంగా గుర్తు చేశారు. హైదరాబాద్లో ఉన్న మొత్తం స్టార్టప్ కంపెనీలు ఏటా 3.5 బిలియన్ డాలర్ల టర్నోవర్ సాధిస్తున్నాయని చెప్పారు.
టీ హబ్, టీ వర్క్స్, ఇమేజ్ టవర్స్ పేరుతో ప్రారంభించిన ఇంక్యుబేటర్ పెద్ద ఎత్తున విజయవంతం కావటం తనకు ఎంతో సంతృప్తినిచ్చిందన్నారు. ఎంతో మంది ఔత్సహిక పారిశ్రామిక వేత్తల ఆలోచనలు కార్యరూపం దాల్చేందుకు కృషి చేశామన్నారు. టైర్-2, టైర్-3 నగరాలకు కూడా ఈ ఎకో సిస్టమ్ విస్తరించాల్సిన అవసరముందని ఈ సందర్భంగా కేటీఆర్ అన్నారు.
- Power tariff likely to be hiked from November, imposing huge burden on public
- The carrot-and-stick approach of Revanth Reddy’s media management
- BRS to fight until GO 29 is revoked: KTR
- BRS urges ERC to reject power tariff hike proposals
- Ministers, journalists visit Seoul’s waste-to-energy plant, though Hyderabad has 2 advanced facilities
- ఆర్థిక నిర్వహణ, అప్పుల నిర్వహణ, రిసోర్స్ మేనేజ్మెంట్లో తెలంగాణ టాప్: కేటీఆర్
- EPW highlights Telangana’s outstanding debt and resource management during KCR’s rule
- అరుదైన వ్యాధి ఉన్న మూడేళ్ల బాబుకు కేటీఆర్ స్ఫూర్తితో ఎమ్మెల్సీ పోచంపల్లి సాయం
- రూ. 18,500 కోట్ల విద్యుత్ భారాన్ని మోపేందుకు కాంగ్రెస్ ప్రభుత్వం సిద్ధమైంది: ఈఆర్సీకి బీఆర్ఎస్ విజ్ఞాపన పత్రం
- Education Commission advisory council expresses discontent with Congress govt.?
- హైదరాబాద్ను స్టార్టప్లకు కేరాఫ్ అడ్రస్గా తీర్చిదిద్దాం: ఇస్బాకాన్ సదస్సులో కేటీఆర్
- గ్రూప్-1 అభ్యర్థుల విషయంలో కాంగ్రెస్ ప్రభుత్వం వ్యవహరిస్తున్న తీరు శోచనీయం: కేటీఆర్
- ఇంటర్నెట్ నుండి ఫోటోలు కాపీ కొట్టి పరువు పోగొట్టుకున్న రేవంత్ సర్కార్!
- మూసీ సుందరీకరణకు రూ. 1.5 లక్షల కోట్లు ఉన్నాయి.. రైతు భరోసాకు పైసలు లేవా?: కేటీఆర్
- జీవో 29 తెచ్చి రాజ్యాంగ స్ఫూర్తికి తూట్లు పొడిచిన రేవంత్: హరీష్ రావు