కేసీఆర్ ను కలిసిన జైపాల్ యాదవ్, నందీశ్వర్ గౌడ్

టీఆర్ఎస్ అధినేత కేసీఆర్ ను కాంగ్రెస్ ఎమ్మెల్యే నందీశ్వర్ గౌడ్, టీడీపీ ఎమ్మెల్యే జైపాల్ యాదవ్ లు శుక్రవారం మెదక్ జిల్లా లోని ఫార్మ్ హౌస్ లో కలిశారు. తెలంగాణ పునర్నిర్మాణంలో పాలుపంచుకోవడానికి టీఆర్ఎస్ పార్టీతో కలిసి పనిచేయడానికి వారు సిద్ధంగా ఉన్నట్లు తెలిపారు. వీరిని పార్టీలో చేర్చుకోవడానికి కేసీఆర్ సుముఖత వ్యక్తం చేసినట్లు పార్టీ వర్గాలు తెలిపాయి. జైపాల్ యాదవ్ కేసీఆర్ ను కలిశారని తెలియగానే టీడీపీ మహబూబ్ నగర్ ఎన్నికల కమిటీలో ఆయనకు స్థానం కల్పించలేదు. నందీశ్వర్ గౌడ్ పటాన్ చెరు నుండి ఎమ్మెల్యేగా గెలవగా, జైపాల్ యాదవ్ కల్వకుర్తి నియోజకవర్గం నుండి ఎమ్మెల్యేగా గెలిచారు.