నామినేషన్లు వేసిన టీఆర్ఎస్ పార్టీ ఎమ్మెల్సీ అభ్యర్థులు

ఎమ్మెల్యే కోటాలో ఎమ్మెల్సీ స్థానాలకు త్వరలో జరగబోయే ఎన్నికల్లో టీఆర్ఎస్ పార్టీ తరపున ఐదుగురి పేర్లు ఖరారయ్యాయి. డిప్యూటీ సీఎం కడియం శ్రీహరి, మంత్రి తుమ్మల నాగేశ్వరరావు, కే యాదవరెడ్డి, నేతి విద్యాసాగర్ రావు, బీ. వెంకటేశ్వర్లు పేర్లను పార్టీ ప్రకటించింది. ప్రస్తుతం టీఆర్ఎస్ కు రాష్ట్ర అసెంబ్లీలో 75 మంది ఎమ్మెల్యేలు ఉన్నారు. ఆరు ఎమ్మెల్సీ స్థానాలకు జరుగుతున్న ఎన్నికల్లో ఐదు స్థానాలకు సభ్యులుగా పార్టీ వీరిని ప్రకటించింది. ప్రతీ అభ్యర్థికీ కనీసం 18 మంది ఎమ్మెల్యేల మద్దతు కావాల్సి ఉండగా వీరికి ఎంఐఎం పార్టీ మద్దతు తెలుపుతున్నట్లు ప్రకటించింది. ఐదుగురు సభ్యులు ఈరోజు తమ నామినేషన్లను ఎన్నికల రిటర్నింగ్ అధికారికి సమర్పించారు. ఈ కార్యక్రమానికి మంత్రులు ఈటెల, హరీష్ రావు, జగదీష్ రెడ్డితోపాటు ఎమ్మెల్యేలు, ఎమ్మెల్సీలు తదితరులు హాజరయ్యారు.