కాంగ్రెస్, బీజేపీల మధ్య బుధవారం జరిగిన చర్చల అనంతరం గురువారమే రాజ్యసభలో తెలంగాణ బిల్లు ఆమోదం పొందేలా నిర్ణయం తీసుకున్నారు.
దీంతో లోక్ సభలో ఆమోదం పొందిన తెలంగాణ బిల్లు రాజ్యసభలో కూడా ఆమోదం పొందడానికి లైన్ క్లియర్ అయ్యింది. సవరణలపై పట్టుబట్టిన బీజేపీ వెనక్కు తగ్గి బిల్లు ఆమోదానికి పూర్తి మద్దతు ఇస్తామని తెలిపింది. బీజేపీ సీనియర్ నేత వెంకయ్యనాయుడు 20 సవరణలు, అరుణ్ జైట్లీ 2, ప్రకాష్ జవదేకర్ 2 మొత్తం 24 సవరణలు ప్రతిపాదించగా యూపీఏ ప్రభుత్వం సుదీర్ఘ చర్చల అనంతరం సీమాంధ్రకు ప్రత్యేక ప్యాకేజీ ఇస్తామని హామీ ఇచ్చింది. ఈ విషయమై సోనియాగాంధీ ప్రధాని మన్మోహన్ సింగ్ తో మాట్లాడి సీమాంధ్రకు ప్రత్యేక ప్యాకేజీ ఇవ్వాలని, ఐదేళ్లపాటు సీమాంధ్రకు ప్రత్యేక ప్రతిపత్తి కల్పించాలని కోరారు. గురువారం జరిగే కేబినెట్ భేటీలో సవరణలపై చర్చించి తుది నిర్ణయం తీసుకుంటారు. ఇప్పుడు గనుక ఏమైనా సవరణలు రాజ్యసభలో చేస్తే బిల్లు మళ్ళీ లోక్ సభకు పంపించాల్సి ఉంటుంది. లోక్ సభలో తీవ్ర గందరగోళ పరిస్థితుల మధ్య బిల్లును ఆమోదించడం తెలిసిందే. మళ్ళీ లోక్ సభకు పంపడం అంటే జరిగేపని కాదని, గవర్నర్ అధికారాల విషయంలో సవరణ చేయడంవల్ల రాజ్యాంగాన్ని కూడా సవరించాల్సి ఉంటుందని భావించి కాంగ్రెస్ పెద్దలు, ఎంపీలు బీజేపీ నాయకత్వంతో మాట్లాడి సీమాంధ్రకు ప్యాకేజీ, వెనుకబడిన రాయలసీమ, ఉత్తరాంధ్రకు ప్రత్యేక ప్యాకేజీని ఇచ్చేలా హామీ ఇచ్చారు. వెంకయ్యనాయుడు సాధ్యం కాని సవరణలు కోరడం అటు కాంగ్రెస్ ను ఇబ్బంది పెట్టడమేకాక ఇటు బీజేపీ నాయకులకు కూడా ఆగ్రహం వచ్చేలా చేసింది. సుష్మాస్వరాజ్ ఈ విషయంలో తీవ్ర అసహనానికి గురయ్యారని సమాచారం. ఇదిలా ఉండగా కాంగ్రెస్ పార్టీ తమ సభ్యులకు గురువారం సభలో అందుబాటులో ఉండి ఓటింగ్ లో పాల్గొనాలని విప్ జారీ చేసింది. ఏది ఏమైనా గురువారం మధ్యాహ్నం కల్లా బిల్లు ఆమోదం పొంది రాష్ట్రపతి వద్దకు వెళ్లనుంది.
- Despite heavy rains, 35% of tanks in Telangana remain empty
- Will Congress govt. proceed with local body polls without 42% BC reservation?
- Is Revanth using HYDRAA to threaten ministers? Issue reaches Congress high command
- Additional surcharge on electricity leaves Telangana industries in a bind
- 400 secret GOs in Municipal dept: Is Congress govt. hiding vital information from public?
- రాష్ట్ర ప్రజలకు వినాయక చవితి శుభాకాంక్షలు తెలిపిన కేసీఆర్
- రైతులు ఆత్మహత్యలు చేసుకోవొద్దు.. కలిసి పోరాడుదాం: హరీష్ రావు పిలుపు
- తెలంగాణ సంబురాల పేరుతో తెలంగాణవాదులను జిట్టా ఏకం చేశాడు: హరీష్ రావు
- ఆస్తులను లెక్క చేయకుండా తెలంగాణ ఉద్యమ నిర్మాణానికి జిట్టా కృషి చేశారు: కేటీఆర్
- జిట్టా బాలకృష్ణారెడ్డి మృతి పట్ల సంతాపం తెలిపిన కేసీఆర్
- కాంగ్రెస్ పాలనలో అత్యాచారాలు నిత్యకృత్యం అయ్యాయి: హరీష్ రావు
- తెలంగాణ ఉద్యమకారుడు కొణతం దిలీప్ను కాంగ్రెస్ ప్రభుత్వం ఎందుకు అరెస్ట్ చేసినట్లు?
- దొడ్డిదారిన ఆర్డినెన్స్ తెచ్చి గ్రామాలను మున్సిపాలిటీల్లో కలపడమేంటి: ఎమ్మెల్యే వివేకానంద
- దిలీప్ కొణతం అరెస్టును ఖండించిన కేటీఆర్
- కాంగ్రెస్ ప్రభుత్వ వైఫల్యం వల్లే జైనూర్ ఘటన: కేటీఆర్