దీక్షా విజయ్ దివస్ సందర్భంగా తెలంగాణ ప్రజలకి బీఆర్ఎస్ వర్కింగ్ ప్రెసిడెంట్ కేటీఆర్ శుభాకాంక్షలు తెలిపారు. డిసెంబర్ 9 మహోజ్వల ఉద్యమాన్ని మలుపు తిప్పిన రోజు.. స్వరాష్ట్ర కల సాకారానికి పునాది వేసిన రోజు అని పేర్కొన్నారు.
కేసిఆర్ సచ్చుడో.. తెలంగాణ వచ్చుడో.. అని చావునోట్లో తలపెట్టిన సంకల్పానికి.. దేశ రాజకీయ వ్యవస్థ దిగివచ్చిన రోజు. తెలంగాణ చరిత్రలో నవంబర్ 29 లేకపోతే.. డిసెంబర్ 9 ప్రకటన లేదు.. ఈ కీలక మలుపు లేకపోతే.. జూన్ 2 గెలుపు లేనే లేదు అని అన్నారు.
దగాపడ్డ నేల విముక్తి కోసం.. ఉద్యమ సారథే ప్రాణత్యాగానికి సిద్ధమై.. తెలంగాణ రాష్ట్ర ఆవిర్భావానికి ఊపిరిపోసిందే దీక్షా విజయ్ దివస్ అని కేటీఆర్ వ్యాఖ్యానించారు.
ఈ సందర్భంగా.. యావత్ తెలంగాణ ప్రజలకు, లక్షలాది గులాబీ సైనికులందరికి హృదయపూర్వక శుభాకాంక్షలు తెలిపారు.