తెలంగాణ సంస్కృతి, సంప్రదాయాలను చూసి ప్రపంచ దేశాలు ఆశ్చర్యపోతున్నాయి. జపాన్ వరల్డ్స్ టూరిజం నిర్వహించిన అంతర్జాతీయ ఫిల్మ్ ఫెస్టివల్ లో భాగంగా తెలంగాణ టూరిజం థీమ్ సాంగ్ కు ఉత్తమ సినిమా అవార్డు దక్కింది. అంతర్జాతీయ ఫిల్మ్ ఫెస్టివల్ పోటీల్లో సాంస్కృతిక, పర్యాటకరంగం కింద తెలంగాణ థీమ్ సాంగ్ ను ప్రదర్శించారు. ఈ పాట దూలం సత్యనారాయణ దర్శకత్వంలో తెరకెక్కింది. ఈ పాట చిత్రీకరణకు తెలంగాణ ప్రభుత్వం, పర్యాటక శాఖామంత్రి, టూరిజం డిపార్ట్ మెంట్ ఎంతో సహకారం అందించిందని, అంతర్జాతీయ అవార్డు రావడం సంతోషంగా ఉందని దూలం సత్యనారాయణ పేర్కొన్నారు.
