హుజూర్ నగర్ బహిరంగ సభలో పాల్గొననున్న కేసీఆర్

టీఆర్ఎస్ అధినేత కేసీఆర్ బుధవారం గజ్వేల్ అసెంబ్లీ, మెదక్ లోక్ సభల స్థానాలకు నామినేషన్ వేయగానే నల్గొండ జిల్లా హుజూర్ నగర్ చేరుకొని అక్కడ జరిగే బహిరంగసభలో పాల్గొననున్నారు. తెలంగాణ కోసం అమరుడైన శ్రీకాంతాచారి తల్లి కాసోజు శంకరమ్మ బుధవారం మధ్యాహ్నం నామినేషన్ వేయనున్నారు. సాయంత్రం 5 గంటలకు ఏర్పాటు చేస్తున్న భారీ బహిరంగసభలో కేసీఆర్ ప్రసంగించనున్నారు. నామినేషన్ వేసిన తర్వాత జరిగే మొదటి సభ కావడంతో సభ సక్సెస్ అయ్యేందుకు టీఆర్ఎస్ నేతలు ఏర్పాట్లు చకచకా పూర్తి చేస్తున్నారు. సూర్యాపేట అసెంబ్లీ నియోజకవర్గ అభ్యర్థి జి. జగదీష్ రెడ్డి, నల్గొండ ఎంపీ అభ్యర్థి పల్లా రాజేశ్వర్ రెడ్డి, జిల్లా అధ్యక్షుడు బండా నరేందర్ రెడ్డి సభ జరిగే ప్రాంతంలో ఏర్పాట్లను పర్యవేక్షిస్తున్నారు. కేసీఆర్ హైదరాబాద్ నుండి హెలికాప్టర్ లో వచ్చి సభలో పాల్గొని తిరుగుప్రయాణంలో రోడ్డు మార్గంలో వెళ్తారని సమాచారం.