ఆదివారం జరిగిన లష్కర్ బోనాలలో ఉజ్జయినీ మహంకాళి అమ్మవారిని ముఖ్యమంత్రి కే చంద్రశేఖర్ రావు సతీసమేతంగా దర్శించుకున్నారు. ముఖ్యమంత్రితో పాటు మంత్రులు నాయిని నర్సింహారెడ్డి, టీ. పద్మారావు, ఈటెల రాజేందర్, ఎంపీలు కల్వకుంట్ల కవిత, టీడీపీ ఎంపీ మల్లారెడ్డి, బీజేపీ ఎంపీ దత్తాత్రేయ, మాజీ ఎంపీ అంజన్ కుమార్ యాదవ్, నాగర్ కర్నూల్ ఎంపీ నంది ఎల్లయ్య, ఎమ్మెల్యేలు శ్రీనివాస్ గౌడ్, తలసాని శ్రీనివాస్ యాదవ్, లక్ష్మణ్, వివేక్ గౌడ్, కిషన్ రెడ్డి, గీతారెడ్డి, కోవ లక్ష్మి, ఎర్రబెల్లి దయాకర్, డిప్యూటీ స్పీకర్ పద్మాదేవేందర్ రెడ్డి, ఇతర ప్రముఖులు ఈ ఉత్సవంలో పాల్గొన్నారు.
లష్కర్ బోనాల జాతర 2 రోజులపాటు ఉంటుంది. రెండవ రోజు రంగం కార్యక్రమం ప్రారంభమవుతుంది. భక్తులు తమ మొక్కులు తీర్చుకోవడానికి రెండవరోజూ భారీ సంఖ్యలో హాజరుకానున్నారు. భవిష్యవాణి అనంతరం అమ్మవారిని అంబారీపై ఊరేగించిన తర్వాత అమ్మవారి దర్శనం ప్రారంభమవుతుంది.