సీఎం రేవంత్ రెడ్డిపై బీఆర్ఎస్ వర్కింగ్ ప్రెసిడెంట్ కేటీఆర్ మరొక్కసారి ధ్వజమెత్తారు. ముఖ్యమంత్రి గారు.. సీఎం అంటే కటింగ్ మాస్టరా.. ప్రతి పథకంలో లబ్ధిదారుల సంఖ్యకు కోత పెట్టడమే లక్ష్యమా.. సీఎం అనే పదానికి ఇదే సరికొత్త నిర్వచనమా అని ప్రశ్నించారు.
నాడు పరుగు పరుగున వెళ్లి రైతులను లోన్ తెచ్చుకోమన్నారు. నేడ రూ. 2 లక్షల రుణమాఫీకి సవాలక్ష కొర్రీలు పెడుతున్నారు. మొదలు రూ. 39 వేల కోట్లు అని ఇప్పుడు రూ. 31 వేల కోట్లకు కటింగ్ పెట్టి కుదించారు అని విమర్శించారు.
పాసుబుక్కులు లేవనే నెపంతో.. లక్షల మందికి శఠగోపం పెట్టే కుటిల ప్రయత్నం చేస్తే సహించం. రేషన్ కార్డు సాకు చూపి.. లక్షల మందికి మొండిచెయ్యిచ్చే కుతంత్రం చేస్తే భరించం అని హెచ్చరించారు.
ఆదాయపు పన్ను చెల్లిస్తున్నారని కొంతమందికి.. చిన్నపాటి ప్రభుత్వ ఉద్యోగం చేస్తున్నారని ఇంకొంతమందికి.. శూన్యహస్తం చూపే చీకటి పన్నాగాన్ని చూస్తూ ఊరుకోం అని కేటీఆర్ తెలిపారు.
మొన్న.. లక్షలాది మందిని రూ. 500 సిలిండర్ పథకానికి దూరం చేశారు. నిన్న.. 200 యూనిట్ల పథకానికి ఆంక్షలు పెట్టి ఆగమాగం చేశారు. నేడు.. రూ. 2 లక్షల రుణమాఫీని కూడా ఎగ్గొట్టి.. లక్షలాది మంది రైతులకు ఎగనామం పెడతామంటే కుదరదు అని అన్నారు.
నాట్ల నాడు ఇవ్వాల్సిన రైతుబంధుకు ఇప్పటికీ దిక్కులేదు. ఓట్ల పండగ ముగిసినా.. ఎకరానికి రూ. 7,500ల రైతుభరోసాకు అడ్రస్సే లేదు. కాంగ్రెస్ ప్రచారంలో అందరికీ అన్నీ అన్నారు.. అధికారంలోకి రాగానే కొందరికే కొన్ని అని కోతపెడుతున్నారు అని దుయ్యబట్టారు.
రుణమాఫీపై మాట తప్పినా.. మడమ తిప్పినా.. లక్షలాది రైతు కుటుంబాల తరపున ప్రశ్నిస్తాం, పోరాడుతాం అని కేటీఆర్ స్పష్టం చేశారు.
- Replug: What BRS govt did to honour Bharat Ratna PV Narasimha Rao
- Govt job aspirants meet KTR over unfulfilled promises by Congress govt
- Land values likely to increase by 50% in Telangana
- Law and order deteriorates; crime rate rises in Telangana
- History says BRS a victim of defections since its inception
- పార్టీని వీడి దొంగల్ల కలిసేటోళ్ల గురించి బాధలేదు.. పార్టీయే నాయకులను తయారు చేస్తది: కేసీఆర్
- కాంగ్రెస్ పార్టీ రాష్ట్రంలో ఫేక్ ప్రభుత్వం నడుపుతోంది: బీఆర్ఎస్ నేత క్రిశాంక్
- ప్రభుత్వ శాఖలను ప్రతీకార రాజకీయాలకు వాడుకుంటున్న రేవంత్ సర్కార్
- ఆర్థికంగా అతలాకుతులమైన భారతదేశాన్ని ప్రధానిగా పీవీ కాపాడగలిగారు: పీవీ జయంతి వేడుకల్లో కేటీఆర్
- తెలంగాణ సాధించిన ఘనత కన్నా నాకు సీఎం పదవి పెద్ద విషయం కాదు: కేసీఆర్
- ఇచ్చిన హామీలు అమలు చేయకపోతే నిరుద్యోగులే ఈ ప్రభుత్వాన్ని గద్దె దించుతారు: కేటీఆర్
- బీజేపీ పంచన చేరి, బీజేపీ ఎజెండా అమలు చేస్తున్నది రేవంత్ రెడ్డి: హరీష్ రావు
- కేసీఆర్ మహాసంకల్పం నెరవేరిన రోజిది.. సీతారామ ప్రాజెక్ట్ మోటార్ల ట్రయల్ రన్పై కేటీఆర్ హర్షం
- సింగరేణిని ప్రైవేటీకరించేందుకే కేంద్రం బొగ్గు గనులను వేలం వేసింది: కేటీఆర్
- కేసీఆర్ను కలిసేందుకు పెద్ద ఎత్తున తరలివచ్చిన కార్యకర్తలు, ప్రజలు