నేడు తుకారాంగేట్ రైల్వే అండర్ బ్రిడ్జ్ ప్రారంభించనున్న మంత్రి కేటీఆర్

హైదరాబాద్ లోని తుకారాంగేట్ రైల్వే అండర్ బ్రిడ్జిని రాష్ట్ర ఐటీ, మున్సిపల్ శాఖల మంత్రి కేటీఆర్ శుక్రవారం ప్రారంభించనున్నారు.దీనిని వ్యూహాత్మక రహదారుల అభివృద్ధి (ఎస్ఆర్డీపీ) పథకం కింద 29.10 కోట్ల వ్యయంతో నిర్మించారు. ఈ బ్రిడ్జ్ నిర్మాణంతో లాలాగూడ రైల్వేస్టేషన్ కు రైళ్ల రాకపోకలతో, వాహనదారులకు తరుచూ మూసివేసే రైల్వే లెవల్ క్రాసింగ్ ఇబ్బందులు పూర్తిగా తప్పనున్నాయి. అదేవిధంగా మల్కాజిగిరి, మారేడ్ పల్లి,తార్నాక,మెట్టుగూడ, లాలాపేట,సికింద్రాబాద్ వైపు వెళ్లేవారికి మంచి కనెక్టివిటీ ఉంటుందని మంత్రి కేటీఆర్ పేర్కొన్నారు.