మాజీ మంత్రులు హరీష్ రావు, జగదీష్ రెడ్డిలతోపాటు బీఆర్ఎస్ ఎమ్మెల్యేలు, ఎమ్మెల్సీలు, నాయకుల అరెస్ట్లు అప్రజాస్వామికమని.. వారిని తక్షణమే విడుదల చెయ్యాలి అని బీఆర్ఎస్ వర్కింగ్ ప్రెసిడెంట్ కేటీఆర్ డిమాండ్ చేశారు.
ప్రభుత్వ తప్పులపై ప్రశ్నిస్తే కేసులు.. పార్టీ హామీలపై నిలదీస్తే అరెస్టులు. పాలనలో లోపాలను గుర్తు చేస్తే కేసులు.. గురుకులాల్లో విద్యార్థుల అవస్థలను పరిశీలిస్తే కేసులు. ప్రభుత్వం లాక్కుంటున్న భూములపై ఎదిరిస్తే కేసులు.. ప్రభుత్వం కూల్చుతున్న ఇండ్లకు అడ్డొస్తే కేసులు అని విమర్శించారు.
ప్రభుత్వంలోని వ్యవస్థలను వాడుకుని దుర్వినియోగం చేస్తున్నారని ఫిర్యాదు చేస్తే కేసులు.. ప్రజలపై కేసులు.. ప్రజాప్రతినిధులపై కేసులు. కాసులు మీకు.. కేసులు మాకు. సూట్కేసులు మీకు.. అరెస్టులు మాకు అని ఎద్దేవా చేశారు.