మెదక్ : ప్రధాని న‌రేంద్ర మోదీ ప్ర‌సంగంపై రాష్ట్ర ఆర్థిక, వైద్యారోగ్య శాఖ మంత్రి హ‌రీశ్‌రావు మండిపడ్డారు. శ‌నివారం హ‌రీశ్‌రావు మీడియాతో మాట్లాడారు. రాష్ట్రానికి ఎవరు వచ్చిన కేసీఆర్ ని తీడుతున్నారు, కాంగ్రెస్, బీజేపీ కేసీఆర్ ని తిట్టుతున్నారు, మొన్న రాహుల్ వచ్చిన, ఈ రోజు మోడీ వచ్చినా తిట్టుడే పని అని విరుచుకుపడ్డారు. ఢిల్లీలో అవార్డులు ఇచ్చి గల్లీలో తిడుతున్నారు. మోడీ ప్రభుత్వం మా పథకాలను కాపీ కొట్టిందన్నారు.
మీకు ఈడీలు, సీబీఐ లు అండగా ఉంటే మాకు తెలంగాణ ప్రజలు అండగా ఉంటారు
తెలంగాణ ప్రభుత్వం పెట్టిన ప్రతి పథకం పేరు మార్చి కాపీ కొట్టారు, మేం పని మంచిగా చేయకపోతే ఎందుకు మా పథకాలను కాపీ కొట్టారు..ఎందుకు ఢిల్లీలో అవార్డులు ఇస్తున్నారని ప్రశ్నించారు. ప్రధాని మోదీ అంటున్నారు పెట్టుబడులు తెలంగాణ కు వస్తున్నాయి అని.. పెట్టుబడులు వస్తున్నాయి అంటే కేసీఆర్ గొప్పతనం కదా అని అడిగారు. మీరు ఏం చేశారు? తెలంగాణ కి చాలా నిధులు ఇచ్చాము అని ప్రధాని అంటున్నారు, మీరు డబ్బులు ఇవ్వలేదు..మాకు రావాల్సిన నిధులు ఆపారని అన్నారు. మీకు నిజంగా తెలంగాణపై ప్రేమ ఉంటే నిజంగా మాకు రావాల్సిన డబ్బులు ఇవ్వండని అడిగారు.
నీతి ఆయోగ్ చెప్పినా డబ్బులు ఇవ్వలేదు, బావుల కాడా మీటర్లు పెట్టాలేదని 21 వేల కోట్లు ఆపింది మీరు. తెలంగాణ అభివృద్ధి ని మోదీ ప్రభుత్వం అడ్డుకుంటుంది. తెలంగాణ అభివృద్ధి చెందుతుంటే కళ్ళలో మంటలు లేస్తున్నాయని అన్నారు. మీకు నిజంగా చిత్తశుద్ధి ఉంటే గిరిజన యూనివర్సిటీ ఇవ్వండని అన్నారు. కోచ్ ఫ్యాక్టరీ అడిగితే వ్యాగన్ యూనిట్ ఇచ్చారు. బయ్యారం ఉక్కు ఫ్యాక్టరీ ఇవ్వలేదు. బురద జల్లుడు తప్ప మీరు చేసేందేమి లేదని స్పష్టం చేసారు. ఏమన్నా అంటే ఈడీ ఉపయోగిస్తున్నారు. మీకు ఈడీలు, సీబీఐ లు అండగా ఉండవచ్చు, కానీ మాకు తెలంగాణ ప్రజలు అండగా ఉంటారు