హైదరాబాద్, జూన్ 19: తెలంగాణ రాష్ట్ర అవతరణ దశాబ్ది ఉత్సవాల్లో భాగంగా ఉప్పల్ భగాయత్ హెచ్‌ఎండీఏ లే ఔట్ లో తెలంగాణ హరితోత్సవం నిర్వహిస్తున్నారు. ఇందులో ముఖ్య అతిథిగా రాజ్యసభ సభ్యులు జోగినిపల్లి సంతోష్ కుమార్, ఉప్పల్ ఎమ్మెల్యే భేతి సుభాష్ రెడ్డి పాల్గొని మొక్కలు నాటారు. ఈ సందర్భంగా జోగినిపల్లి సంతోష్ కుమార్ మాట్లాడారు.
గౌరవ ముఖ్యమంత్రి కేసీఆర్ గారు చేపట్టిన హరితహారం కార్యక్రమాన్ని స్ఫూర్తిగా తీసుకొని గ్రీన్ ఇండియా ఛాలెంజ్ అనే కార్యక్రమం ప్రారంభించడం జరిగిందని తెలంగాణ ఏర్పడిన 9 సంవత్సరాలలో హరితహారం, గ్రీన్ ఇండియా ఛాలెంజ్ కార్యక్రమం ద్వారా ప్రజల్లో పచ్చదనం గురించి చైతన్యం తీసుకురావడం తో ప్రతి ఒక్కరూ మొక్కలు నాటడం ద్వారా ఎంతో పచ్చదనం పెరగడం జరిగిందని అన్నారు. తెలంగాణ హరితోత్సవం లో భాగంగా ఉప్పల్ భగాయత్ హెచ్‌ఎండీఏ లే ఔట్ లో మొక్కలు నాటిన ప్రతి ఒక్కరికి ఎంపీ సంతోష్ కుమార్ ఈ సందర్భంగా అభినందనలు తెలియజేశారు.
ఎమ్మెల్యే భేతి సుభాష్ రెడ్డి మాట్లాడుతూ తెలంగాణ హరితోత్సవం లో భాగంగా గ్రీన్ ఇండియా ఛాలెంజ్ సృష్టికర్త ఎంపీ సంతోష్ కుమార్ తో కలిసి ఉప్పల్ లో మొక్కలు నాటడం సంతోషంగా ఉందని అన్నారు.గ్రీన్ ఇండియా ఛాలెంజ్ కార్యక్రమం దేశవ్యాప్తంగా ఎంతో ప్రసిద్ధిగాంచింది ఇందులో ప్రతి ఒక్కరు పాల్గొని మొక్కలు నాటుతున్నారు.హరితహారం,గ్రీన్ ఇండియా ఛాలెంజ్ కార్యక్రమాల ద్వారా తెలంగాణ వ్యాప్తంగా గ్రీనరీ పెరిగిందని అన్నారు.