వరుస ఫుడ్ పాయిజన్ ఘటనలు జరుగుతున్న మాగనూరు పాఠశాలను సందర్శించడానికి వెళ్తారనే నెపంతో మక్తల్ మాజీ ఎమ్మెల్యే చిట్టెం రామ్మోహన్ రెడ్డి గారితో పాటు, బీఆర్ఎస్ నాయకులను ముందస్తు అరెస్టులు చేసి పోలీస్ స్టేషన్‌కు తరలించడం దుర్మార్గమైన చర్య అని మాజీ మంత్రి హరీష్ రావు పేర్కొన్నారు.. దీన్ని తీవ్రంగా ఖండిస్తున్నామని తెలిపారు.
పాఠశాలలు సందర్శించడానికి వెళ్తే ప్రభుత్వానికి ఎందుకు అంత భయం? పురుగులన్నం మాకొద్దు అని విద్యార్థులు రోడ్డెక్కి నినదిస్తుంటే చీమ కుట్టినట్లైనా లేదా? విద్యార్థులకు మంచి భోజనం కూడా పెట్టని దీన స్థితిలో ఈ ప్రభుత్వం ఉందా? అని ధ్వజమెత్తారు.
అప్రాజ్యస్వామిక విధానాలు విడనాడాలని, అరెస్టు చేసిన మాజీ ఎమ్మెల్యే చిట్టెం రామ్మోహన్ రెడ్డితో పాటు, బీఆర్ఎస్ నాయకులకు వెంటనే విడుదల చేయాలని డిమాండ్ చేస్తున్నాం అని అన్నారు.
ప్రతిపక్షాల గొంతు నొక్కడం కాదు రేవంత్ రెడ్డి.. ఫుడ్ పాయిజన్ వల్ల ఆసుపత్రి పాలైన విద్యార్థులకు మెరుగైన వైద్యం అందించండి. ఇలాంటి ఘటనలు పునరావృతం కాకుండా చూసుకోండి అని సూచించారు.