సోమవారం రాజకీయ వ్యూహకర్త అయిన ప్రశాంత్ కిషోర్ జాతీయ మీడియాకు ఇచ్చిన ఇంటర్వ్యూలో మాట్లాడుతూ.. 2023 అసెంబ్లీ, 2024 లోక్‌సభ ఎన్నికలపై తన అభిప్రాయాన్ని తెలిపారు. తెలంగాణలో బీఆర్ఎస్ పార్టీ పక్కా గెలుస్తుందని.. కేసీఆర్‌కు తిరుగులేదని స్పష్టం చేసారు. రానున్న రోజుల్లో 4 రాష్ట్రాల్లో ఎన్నికలు జరగనున్న నేపథ్యంలో రాజస్థాన్‌, మధ్యప్రదేశ్‌లో బీజేపీ, కాంగ్రెస్ మధ్య గట్టి పోటీ ఉంటుంది కానీ రెండు రాష్ట్రాల్లో బీజేపీ గెలిచే అవకాశం ఉందన్నారు. ఛత్తీస్‌గఢ్‌లో కాంగ్రెస్ ఈజీగా గెలుస్తుందని అందరూ అనుకుంటున్నారు కానీ పోటీ ఉంటుంది. తెలంగాణలో మాత్రం ఏ మాత్రం పోటీ లేకుండా మళ్ళీ బీఆర్ఎస్ గెలుస్తుందన్నారు.